Бектемирнинг собиқ рақиби Габриэль Росадонинг Хайме Мунгиага қарши жанги тасдиқланди

Мунгиа-Росадо жанги расман тасдиқланди. Аввалроқ, WBC Мунгианинг Деревянченкога қарши саралаш учрашувини кейинга қолдиргани ҳақида хабар берган эдик. Росадо умидли боксчимиз Бектемир Мелиқўзиев устидан ғалаба қозонганидан кейин мексикаликка "вызов" ташлади. Ўз навбатида Хайме унга розилик жавобини берганди ва якунда ташкилот ҳам бу жангга розилик берди. Росадо - Мунгиа тўқнашуви 13 ноябрь куни бўлиб ўтади.

Америкалик Мелиқўзиев билан жангини "Йил нокаути" дея ҳисоблайди ва мексикалик билан "Йил жанги"ни ўтказмоқчи.

“Менинг сўнгги жангим "Йил нокаути" бўлди ва мен бўлажак тўқнашувни "Йил жанги"га айлантиришни режалаштирмоқдаман”,- деди Габриэль.

Маълумот учун, Бектемир Мелиқўзиев ва Габриэль Росадо учрашуви Хайме Мунгианинг андеркардида бўлиб ўтган эди. Ўшанда Мунгиа Камил Шерметани муддатидан аввал мағлуб этган.