Бекзод Абдураҳмонов Болгариядаги турнир финалида Олимпиада ва жаҳон чемпионига қарши гиламга чиқди

Аввалроқ, мусобақада иштирок этаётган эркин курашчимиз Бекзод Абдураҳмонов финалга етиб келгани ҳақида хабар қилгандик. У мусобақа давомида икки нафар Туркия вакилини, шунингдек Корея ҳамда Эрон спортчиларини мағлубиятга учратиб, финалгача етиб борди.

Ҳамюртимиз ҳал қилувчи баҳсда Олимпия ўйинлари ғолиби, жаҳон чемпиони ҳисобланган америкалик Жордан Барроузга қарши гиламга чиқди.

Кескин кечган баҳс якунига кўра ҳамюртимиз 3:4 ҳисобида имкониятни бой бериб қўйди ва турнирннг кумуш медали билан кифояланди.