Бекзод Абдураҳмонов ва Иляс Бекбулатов жаҳон чемпионатининг 1/4 финалида гиламга чиқди

Айни дақиқаларда эркин кураш бўйича беллашувлар ўтказиляпти. Афсуски, бугун Ўзбекистон эркин кураш терма жамоаси олтин ёки кумуш медалларни қўлга кирита олмайди. Боиси, 1/4 финалда курашган ҳар иккала юртдошимиз ҳам мағлубият аламини тотиб кўришди. 

Токио Олимпиадаси совриндори Бекзод Абдураҳмонов эронлик Муҳаммад Ашгарга 5-10 ҳисобида ютқазиб қўйди. Абдураҳмонов Олимпиададан кейин мусобақаларда 86 кг вазн тоифасида иштирок этиб келаётган эди.  

70 кг вазндаги легионер курашчимиз Иляс Бекбулатов эса 1/4 финалда япониялик Таиши Нарикунига 0-11 ҳисобида имкониятни бой берди. 125 кг вазнда курашаётган Ҳасанбой Дўсматов 1/8 финалда мўғулистонлик Лхагвагерал Мунхтурдан енгилди. Бобур Исломов (86 кг) илк даврадаёқ ютқазиб, мусобақадаги иштирокини якунлади. 

Бекзод Абдураҳмонов, Иляс Бекбулатов ва Ҳасанбой Раҳимовда жаҳон чемпионатининг бронза медалини қўлга киритиш имконияти сақланиб қолди.