Белал Муҳаммад Прохазка - Улберг жанги ғолибни айтди

Ярим оғир вазн тоифасида вакант бўлиб турган чемпионлик камари учун Иржи Прохазка ва Карлос Улберг ўзаро октагонда тўқнаш келади. 

"Улберг учун энг муҳими - масофани сақлаш. Кикбоксинг масофасида қолиш ва жуда сабрли бўлиш керак. Агар сиз тоза ишлаётган бўлсангиз, ҳимояда интизомли бўлсангиз, очиқ жангга киришмасангиз ва тартибсиз ҳаракатни бошламасангиз, яхши имкониятларга эга бўласиз. Иржи лоукик ва хайкик зарбаларини ўтказа олади деб ўйлайман.

Иржи аксинча, тартибсизлик яратиш керак. У доим қилиб келган ишини амалга ошириши лозим. Сен энг ғайриоддий жангчисан. Сенда ақл бовар қилмайдиган матонат бор. Менимча, Иржи масофани қисқартириши керак. Тўғри, у кўпчиликни нокаутга учратган, лекин у финтлар билан жуда яхши алдайди, қафас бурчагига рақибини олиб келишга уринади. Бундай жангларда қандай жанг қилишингни, жангларда ўзингни қандай тутишингни биламиз. Улардан қўрқмайсан", - деди Белал Youtube каналидаги мурожаатида.

Шу билан бирга, Муҳаммад чехиялик жангчи 2022 йилда жароҳати туфайли бўшатиб қўйган чемпионлдик камарини қайтариб олиши мумкинлигига ишонади.

"Мен Иржига тикаман. У доим ғалаба қозониш йўлини топади. У ақлдан озган матонат, ақлдан озган услуб ва менталитетга эга. Менга Иржининг бу жангдаги имкониятлари ёқади ва у чемпион бўлади деб ўйлайман", - дея хулоса қилди собиқ UFC чемпиони.