Bellator 266 турнирининг марказий жанги якунланди

Оқшомнинг марказий жанги ярим оғир вазн тоифасида ўтказилиб, унда америкалик Фил Дэвис (23-6) кубалик Йоэль Ромеро (13-6) билан тўқнаш келди. Беш раунд тўлиқ давом этган жангда Дэвис ҳакамлар қарорига кўра ғалаба қозонди. Ҳакамлардан икки нафари 30:27 ва 30:26 ҳисобларида ғалабани Дэвисга тақдим этган. Учинчи ҳакам эса Ромеронинг устунлигини таъминлаган – 29:28. 

Bellator 266 турнирининг андеркард, яъни муҳимлиги жиҳатидан иккинчи жангида америкалик Нейман Грейси биринчи раундда техник нокаут билан ҳамюрти Марк Леммингерни мағлубиятга учратди. Яна бир қизиқарли жангда россиялик Халид Муртазалиев америкалик Энтони Адамсга ютқазиб қўйди. Уч раунд тўлиқ давом этган жангда ҳакамлар бир овоздан - 29:28 ҳисобларида ғалабани мезбон яккакураш устасига беришган.