Bellator 275 турнирининг барча натижалари + ФОТОГАЛЕРЕЯ

"3Arena"да ўтган турнирнинг марказий жангида ўрта вазн тоифаси чемпиони, нидерландиялик Гегард Мусаси америкалик даъвогар Остин Вандерфордни 85 сонияда нокаутга учрата олди. Рефери Керри Хэтли ҳимоясиз қолган Остиннинг юзи ачинарли ҳолатга келмасгини олдини олиб жангни тўхтатди. 

Аҳамияти жиҳатидан иккинчи жангда ирландиялик Шинейд Кавана Лиа МакКортни мағлубиятга учратди. Уч раунд тўлиқ давом этган жанг якунида ҳакамлар бир овоздан мезбон спортчининг ғалабасини таъминлашди. Ушбу жангда ҳамюртини ғалаба билан табриклаш учун Конор Макгрегор октагонга чиқиб келди ва маҳаллий мухисларнинг олқишига сазовор бўлди.  

Оқшомнинг қолган натижаларига тўхталадиган бўлсак, россиялик Хасан Магомедшарипов ва Владимир Токов навбатдаги ғалабаларини тантана қилишди. Магомедшарипов испаниялик Хосе Санчесдан устун келди. Афсонавий Федор Емельяненко секундантлиги остида жанг қилган Токов эса италиялик Даниэле Скатиззидан устун келди. 

Яна бир рус жангчиси Кирилл Сидельников эса туркиялик Гокхан Сарикамага очколар ҳисобига кўра имкониятни бой берди. Тожикистонлик Хуршед Қаҳҳоров техник нокаут билан Бретт Жонсга ютқазиб қўйди. Бу унинг фаолиятидаги иккинчи мағлубияти эди. 

Bellator 275 турнирида Киаран Кларк Абубакар Тункарани, Жорнел Луго Брайан Мурни, Дэйви Гэллон Чарли Лирини, Стефани Лило Пейдж Дэнни МакКормакни, Дэрра Келли Жуниор Морганни, Натан Келли Скотт Педерсенни, Ли Хаммонд Жейми Хэйни мағлубиятга учратган.