Bellator 292. Усман Нурмагомедов Хендерсондан оғирроқ тош босди ҳамда тарозининг қолган натижалари

Bellator 292 оқшоми иштирокчилари анъанага кўра тарозидан ўтиш маросимида ҳозир бўлишди. Турнирнинг марказий жанги енгил вазн тоифасида амалдаги Bellator чемпиони россиялик Усман Нурмагомедов ҳамда америкалик даъвогар  Бенсон Хендерсон ўртасида ўтказилади. Нурмагомедов — 70,22 кг, Хендерсон эса 70,13 кг тош босди.

Bellator 292 турнирининг яна бир қизиқарли тўқнашуви оғир вазнда россиялик Валентин Молдавский ҳамда америкалик Линтон Васселл ўртасида кечади. Александр Шаблий эса озарбайжонлик Тофик Мусаевга қарши октагонга кўтарилади. Молдавский тарозида 107,68 кг, Васселл – 108,59 кг вазн қайд этди. Шаблий 70,03 кг, унинг рақиби бироз оғирроқ чиқди – 70,31 кг.

Россияликлардан яна бири Халид Муртазалиев америкалик Тони Жонсонга қарши жанг ўтказади. Муртазалиев 84,73 кг, Жонсон – 83,8 кг вазнга эга экани ойдинлашди. Ўрта вазн вакили Халиднинг биринчи уринишда вазн қила олмаганини айтиш жоиз бўлса керак. У ўзи учун ажратилган бир соат ичида керакли вазнни қила олди.