Bellator босслари Нурмагомедовнинг галдаги рақибини ошкор этишди

Bellator 269 турнири доирасида россиялик ММА жангчиси Усман Нурмагомедов ҳам октагонга кўтарилади. Усманнинг рақиби финляндиялик Патрик Пиетила бўлади. Бу маълумотни Bellator матбуот хизмати ҳам тасдиқлади.

Патрик Пиетила Bellator промоушенида биттагина жанг ўтказган. 2019 йилнинг сентябрь ойида бўлиб ўтган ўша жангда у Райан Роудига очколар ҳисобига кўра имкониятни бой берган эди.  

Усман Нурмагомедов эса шу йилнинг ўзида Bellator қафасида иккита жанг ўтказишга муваффақ бўлди. У Майк Хэмилни очколар бўйича, Мэнни Мурони эса техник нокаут эвазига мағлубиятга учратганди.

Шунингдек, промоушен томонидан россияликлар Грачик Бозинян, Ирина Алексеева, Алексей Шуркевич ва Никита Михайловнинг жанглари ҳам расман тасдиқланди. Оқшомнинг марказий жанги Фёдор Емельяненко ва Тимоти Жонсон ўртасида бўлиб ўтади. 

Bellator 269 турнири карди:

Фёдор Емельяненко – Тимоти Жонсон

Виталий Минаков – Саид Соума

Андрей Корешков – Рустам Хабилов

Усман Нурмагомедов – Патрик Пиетила

Грачик Бозинян – Росс Хьюстон

Ирина Алексеева – Стефани Йело Пейж

Алексей Шуркевич – Кристиан Экерлин

Никита Михайлов – Брайан Мур