Bellator Фёдор Емельяненконинг жангини бекор қилди

Бу ҳақда ташкилот президенти Скотт Кокер Bellator 276 турнири якунидаги матбуот анжуманида айтиб ўтган. Федор Москвадаги турнир доирасида ўзининг профессионал спортчилик фаолиятидаги сўнгги жангини ўтказиши керак эди. 

"Афсуски, бу йил Москвадаги мусобақани ўтказмаймиз. Табиийки, Фёдорнинг хайрлашув жангини ҳам ўтказа олмаймиз. Биз бунинг учун ҳар томонлама мақбул жой излаймиз.

"Хайратланарли шоу ўтказиш учун режаларимиз бор эди. Ҳозир мен шуни айтишим мумкинки — бизга Қизил майдонда турнир ўтказишга рухсат берилса, биз барча даврларнинг энг буюк жангчиси билан ажойиб тарзда хайрлашар эдик. Энди мусобақани ўтказиш учун янги жой излашимиз керак, сабаби Фёдор фаолиятини муносиб тарзда якунлашга лойиқ. Лекин биз ҳозирча мусобақани қаерда ўтказишни билмаймиз", - дея таъкидлаган Bellator президенти.

Маълумот учун, 45 ёшли Фёдор Емельяненко сўнгги бор 2021 йилнинг октябрида Москвадаги Bellator 269 турнирида америкалик Тимоти Жонсонга қарши жанг қилиб, нокаут эвазига ғалаба қозонган эди.