Bellator президенти UFC`га "вызов" ташлади

Эй Жей UFC чемпиони билан камарларни бирлаштирувчи супержанг ўтказиш таклифини илгари сурганди.  

"Ҳа, мен ростан ҳам МакКини UFC чемпиони билан жанг ўтказишини истайман. Бу UFC раҳбарларининг бизнес-моделига ҳам тўғри келади. Улар катта жанглардан кўп пул ишлашни ёқтиришади. Балки, UFC промоушенидагилар МакКининг имкониятларини паст баҳолашар. Лекин унинг нималарга қодирлигини ҳамма билади. Истак бўлса, бир сонияда жангни ташкил қиламиз", - деган Bellator 263 турниридан кейинги матбуот анжуманида ташкилот раҳбари. 

Эслатиб ўтамиз, мағлубият нималигини билмай келаётган Эй Жей МакКи айнан Bellator 263 турнирида Патрисио "Питбул" Фрейрени иккинчи дақиқадаёқ бўғиш усули билан мағлубиятга учратган ва ярим енгил вазнлиларнинг Гран-при чемпионига айланган эди. 

Кечаги жангдан сўнг МакКи UFC, ONE FC ва PFL чемпионлари билан жанг қилишга тайёр экани ва ўртага шахсан ўзи бир миллион доллар мукофот пули қўйишини айтганди. Айни пайтда ушбу вазнда австралиялик Александр Волкановски UFC чемпиони бўлиб турибди. У сентябрда Брайан Ортегадан камарини ҳимоя қилади.