08 апр 17:01
Янгиликлар
Бокс/ММА
Бенавидес Биволнинг WBC камаридан воз кечиш қарорига муносабат билдирди
Ярим оғир вазн тоифасида (79,4 кг гача) WBC вақтинча чемпионлик камари соҳиби бўлган америкалик боксчи Дэвид Бенавидес Дмитрий Биволнинг унга қарши жанг ўтказмаслик ҳақидаги қарорини изоҳлади.
Эслатиб ўтамиз, WBC ташкилоти Бенавидесни Бивол учун мажбурий рақиб сифатида белгилаган эди ва улар 7 апрелга қадар жанг ҳақида келишиб олишлари керак эди. Аммо Бивол жамоаси бошқа қарор қабул қилди.
"Ҳозиргина Бивол мен билан жанг қилиш ўрнига, камардан воз кечганини билдим. Бу қарор мени WBC ярим оғир вазндаги жаҳон чемпионига айлантиради. Албатта, чемпион бўлиш учун идеал йўл эмас, аммо барибир энди мен WBC чемпиониман", — деб ёзди Бенавидес ижтимоий тармоқларда.
Ҳавола :
Манба : Boxing Scene
Фикрлар