18 май 16:07
Янгиликлар

Теннис

Биринчи ракеткамиз Прагада муваффақиятли старт олди

Чехия пойтахти Прага шаҳрида теннис бўйича М25 тоифасига кирувчи турнир бўлиб ўтмоқда.

Мукофот жамғармаси 25 минг долларни ташкил этувчи ушбу турнирда мамлакатимизнинг биринчи ракеткаси Ҳумоюн Султонов ҳам иштирок этяпти. Ҳамюртимиз илк даврада германиялик Жереми Жанга қарши кортга чиқиб, рақибини икки сетда ҳам бир хил ҳисобда мағлубиятга учратди - 6/3, 6/3.

Таққослаш учун, Султонов ATP рейтингида 427, Жан эса 613-поғонадан жой олган. Айни шу дақиқаларда Ҳумоюн 1/8 финал учрашувида дунёнинг 351-ракеткаси бўлиб турган чехиялик Михаэл Врбенскига қарши баҳс олиб бормоқда.