Биринчи ракеткамиз Раҳимова Рим WTA 1000 стартида уч сетлик учрашув ўтказди

Мамлакатимизнинг биринчи ракеткаси Камилла Раҳимова илк даврада хорватиялик Антония Ружичга қарши кортга чиқди. Икки соату етти дақиқа давом этган баҳсда Камилла афсуски, рақибасига 4/6, 6/1, 3/6 ҳисобида имкониятни бой бериб, мусобақадаги иштирокини стартдаёқ якунлади. 

Таққослаш учун, Раҳимова айни пайтда WTA рейтингида 76, Ружич 59-ўринни эгаллаб турибди. Икки теннисчи ҳам 2 тадан қўшхатога йўл қўйди. Эйс зарбалар бўйича Камилла устунлик қилди - 3 га 1. Бу теннисчиларнинг ўзаро ўтказган учинчи учрашуви бўлди. Бундан аввалги икки баҳсда Камилланинг қўли баланд келганди. Антония илк бор вакиламиздан устун келди. Ўзаро уччала учрашувнинг ҳам уч сет давом этгани бу қарама-қаршиликнинг қанчалик муросасиз эканини англатмоқда.