15 мар 14:44
Янгиликлар

Стол тенниси

Биринчи старт омадсиз чиқди

Айни кунларда Қатар пойтахти Доха шаҳрида стол тенниси бўйича Токио Олимпиадасига йўлланма берувчи жаҳон лицензион мусобақаси бўлиб ўтмоқда.

Мусобақада старт олган терма жамоамиз вакиллари ўз иштирокларини эрта якунлашди.

Эркаклар ўртасида жамоамиз етакчиси Зоҳид Кенжаев илк босқичда италиялик Ниагол Стояновга (1:4) қарши баҳсда, Марҳабо Магдиева эса чехиялик Хана Мателовага (0:4) биринчи босқичдаёқ имкониятни бой бериб қўйишди. Илк беллашувларини муваффақиятли ўтказган Элмурод Холиқов ва Римма Гуфранова иккинчи даврада муваффақиятсизликка учради.

Шу тариқа ҳамюртларимизнинг жаҳон лицензион турниридаги иштироки якунланди. Тақвимга кўра, 18-20 март кунлари Доханинг ўзида Осиё қитъаси учун лицензион турнир бўлиб ўтади. Юртдошларимизга бўлажак беллашувларда омад тилаб қоламиз.