27 окт 07:43
Янгиликлар

Теннис

Бироздан сўнг Денис Истомин Лужоу чемпионлиги учун кортга чиқади

Хитойнинг Лужоу шаҳрида ўтказилаётган “Челленжер” туркумига кирувчи турнир ўз якуни сари яқинлашмоқда.

Соврин жамғармаси 54 160 АҚШ долларини ташкил қилувчи ушбу турнирда мамлакатимизнинг биринчи ракеткаси Денис Истомин ҳам муваффақиятли иштирок этяпти. ATP рейтингида 211-ўринни эгаллаб турган Истомин бироздан сўнг, аниқроғи Тошкент вақти билан соат 08:00да финал учрашувида кортга чиқади.

Турнирнинг 9-ракеткаси бўлган Денис бош соврин учун баҳсда мусобақада 2-рақам остида таснифланган, рейтингнинг 93-поғонасидан жой олган испаниялик Алехандро Давидович Фокинага қарши кортга чиқади. Теннисчилар шу йил апрель ойида илк бор тўқнаш келишган ва ўша баҳсда Фокина ғалаба қозонганди.