03 ноя 13:40
Янгиликлар

Бокс/ММА

Бивол Рамиресга қарши жангдан олдин очиқ машғулот ўтказди + ФОТО

Чемпион Дмитрий Биволнинг Хильберто Рамиресга қарши жангига оз вақт қолмоқда.

Россиялик боксчи, яримоғир вазнда WBA камари соҳиби Дмитрий Бивол навбатдаги жангига сўнгги тайёргарликларни олиб бормоқда. У 5 ноябрь куни Абу-Дабида мексикалик Хильберто Рамиресга қарши рингга кўтарилади. Мазкур жанг Бивол учун ҳимоя жанги ҳисобланади.

Ушбу жангда Дмитрий Биволни қўллаб-қувватлаш мақсадида боксчиларимиз Баҳодир Жалолов, Шаҳрам Ғиёсов ва куни кеча таваллуд айёмини нишонлаган Муроджон Аҳмадалиевлар Абу-Дабида бўлиб туришибди.

Боксчилар аллақачон мусобақа жойига етиб боришган. Дмитрий Бивол эса Яс оролидаги Yas Mall савдо кўнгилочар марказида мухлислар олдида очиқ машғулот ўтказди.