Бивол ва Рамирес ўз жангларининг эълон қилинишига муносабат билдиришди

Ушбу жангга иккала боксчи қуйидагича муносабат билдиришди:

"Рамирес билан жанг авж олди, кўп гаплар айтилди. Энди бизда барча ҳаракатларимизни рингда тасдиқлаш имкони пайдо бўлди", - дея Биволнинг сўзларини келтиради BoxingScene нашри.

"Барча қийинчиликларга қарамасдан, оҳир-оқибат жанг ташкиллаштирилаётганидан хурсандман. Бивол билан Марсда бўлса ҳам урушаман. Абу-Дабида ажойиб шоу ташкиллаштиришимизга ишончим комил. WBA ва Golden Boy'га бу йўлни мен билан бирга босиб ўтганлари учун ташуккур айтмоқчиман, мен бахтиёрман", - деди Рамирес.

Маълумот ўрнида Бивол сўнгги бор май ойида Сауль Альварес билан жанг қилиб, ғалаба қозонган. Мексикалик Рамирес ҳам сўнгги бор май ойида Доминик Бёзельга қарши жанг қилган ва техник нокаут ҳисобига ғалаба қозонган. Биволнинг статистикаси: 20-0, рақиби Хильберто Рамиресда эса бу кўрсаткич қуйидагича: 44-0.

Жанг 5 ноябрь куни бўлиб ўтади.