31 дек 14:37
Янгиликлар

Бокс/ММА

Биволнинг кейинги рақиби германиялик боксчи бўлиши айтилмоқда

Бу олмон боксчиси Дмитрий Биволнинг IBF чемпионлик камари учун мажбурий даъвогар ҳисобланади.

The Ring журналисти Майк Коппинжер боксчининг менежери Вадим Корниловга таяниб хабар беришича, Дмитрий Бивол навбатдаги жангида IBF чемпионлик камарини германиялик Михаэль Айфертдан ҳимоя қилади.

Биволнинг мураббийи Геннадий Машьяновнинг айтишича, шифокорлар 2025 йил август ойида ўтказилган операциядан сўнг ярим йил давомида тикланиш учун жавоб берган. Коппинжернинг аниқлик киритишича, реабилитация бел соҳасидаги мушакларни мустаҳкамлаш билан боғлиқ.

Бивол 2026 йилнинг март-апрель ойларида бел операциясидан сўнг рингга қайтишни ва мажбурий ҳимояни ўтказишни, Артур Бетербиев ёки Дэвид Бенавидесга қарши катта жангни эса йилнинг иккинчи ярмига белгилашни режалаштирмоқда.