Биволнинг мураббийи Канело ва Чарло ўртасидаги жанг фаворити кимлигини айтди

"Қўпол қилиб айтганда, Канело ушбу жангда яққол фаворит. Чарлонинг бирор жиҳати Геннадий Головкин ёки Жон Райдердан устун эмас, балки, ёмон ҳам эмасдир. Америкалик жангчи ўз бошидан юқорига сакрай олмайди. Гарчи унинг тана тузилиши ёмон бўлмаса-да, анчагина катта. Шунда ҳам Альвареснинг ғалабасини тахмин қиляпман.

Боксчи сифатида Сауль бироз санъаткорроқ: турфа хиллик юқори, техникаси яхшироқ ва ақллироқ. Балки шунгадир, Чарлода ғалаба учун имкониятлар кам. Агарда кимдир менинг фикримга қўшилмаса, жангнинг ўзи ким ҳақлигини исботлайди.

Менимча, ушбу жангдан кейин Альварес Биволга "вызов" ташламаса керак. Унинг шартномаси 3 жанг учун мўлжалланган. Ушбу жангларни ўтказмагунча, реванш жанглари бўлмайди. Ва бунинг гап-сўзлари ҳам. Билишимча, шартномасида унинг рақиблари ҳам кўрсатилган", - деди Геннадий Машьянов.