Бизда 12 та лицензия: Дзюдочиларимиз лицензиялар сони бўйича рекордни янгилашди

Ўзбекистон дзюдоси тарихида рекорд даражадаги иштирокчи олимпия ўйинларида иштирок этади. Эркаклар тўлиқ (7 дзюдочи) таркибда, аёллар эса 4 та вазнда Парижга боришади. Шунингдек, дзюдочиларимиз жамоавий микст баҳсларида ҳам қатнашишади. 

Шу тариқа, Париж-2024 Олимпиадаси учун қўлга киритилган лицензияларимиз 11+1 кўринишида бўлди. 

Маълумот учун, бир нечта вазн тоифасида камида икки нафардан Олимпиада рейтинг поғонасидаги дзюдочимиз бор эди. Лекин Олимпия ўйинларида ҳар бир давлатдан фақат бир нафардан дзюдочи иштирок эта олади.

Париж-2024 Олимпиадасига борадиган таркиб:

Эркаклар:

-60 кг: Достон Рўзиев 

-66 кг: Сардор Нуриллаев

-73 кг: Муроджон Йўлдошев  

-81 кг: Шарофиддин Болтабоев

-90 кг: Давлат Бобонов

-100 кг: Музаффарбек Тўрабоев

+100 кг: Алишер Юсупов

Аёллар:

-48 кг: Ҳалимажон Қурбонова

-52 кг: Диёра Келдиёрова 

-70 кг: Гулноза Матниязова

-78 кг: Ирисхон Қурбонбоева