"Бизда дунёнинг энг яхши стадиони бўлади". "Барселона" президенти — "Камп Ноу"нинг реконструкцияси ҳақида

"Барселона" президенти Жоан Лапорта "Камп Ноу" стадионини реконструкция қилиш ҳақида гапирди.

"Бизда дунёнинг энг яхши стадиони бўлади. Биз дастлабки иккита трибунани сақлаб қоламиз, чунки уларнинг панорамали кўриниши чиройли. Мижанс уни лойиҳалаштирганда даҳо бўлган.

Учинчи трибуна янада қулай ва хавфсизроқ бўлади. Трибуна усти ёпилади ва ҳеч ким хўл бўлмайди. Бизда яхши жамоа ҳам бўлади. Педри, Гави, Араухо, Бальде ҳозир ва келажакда йўлбошчи бўлиш учун чақирилишган", – деди функционер.

"Барселона" кейинги мавсумда ва "Камп Ноу"ни таъмирлаш тугагунига қадар Льюис Компанис номидаги "Олимпия" стадионида ўйнайди.