24 июн 13:21
Янгиликлар

Бокс/ММА

Блахович UFC’нинг янги рейтинги ҳақида: "Икки кун олдин Гусков энг кучли рақиб билан жанг қилган эди"

Ярим оғир вазнда собиқ UFC чемпиони Ян Блахович ярим ҳазил, ярим чин аралаш билан уни дивизионнинг тўртинчи ўрнидан ўн бешинчи поғонасига тушириб юборган янги рейтинг тизими ҳақида пичинг қилиб гапирди.

"Икки кун олдин Гусков ярим оғир вазн тоифаси рейтингида кўтарилиш учун энг кучли рақиб билан жанг қилганди. Энди эса ҳаммаси аксинчага ўхшайди", - деб ёзди польшалик жангчи ижтимоий тармоқдаги саҳифасида.

Эслатиб ўтамиз, ярим оғир вазн тоифасининг сунъий интеллект томонидан ҳисобланган янги рейтингида Богдан Гусков ўнинчи ўринда қолган бўлса, Ян Блахович 4-ўриндан 15-поғонага тушиб кетганди.

Блахович ва Гусков ўртасидаги жанг 1 август куни Белградда бўлиб ўтадиган UFC Fight Night 283 турнирининг иккинчи муҳим жанги бўлади.