18 дек 07:27
Янгиликлар

Бокс/ММА

Бобур Абдулазизовнинг Octagon 83 турниридаги жанги тасдиқланди + ПОСТЕР

Эртага пойтахтимиздаги "Ҳумо Арена" мажмуасида ММА бўйича Octagon 83 мусобақаси ташкил этилади.

Лига матбуот хизматининг маълум қилишича, турнир доирасида ўзбекистонлик таниқли аралаш яккакураш устаси Бобур Абдулазизов ҳам чиқиши расман тасдиқланди. Унга қозоғистонлик Кирилл Карпейкин рақиб бўлади.

Оқшомнинг асосий жанги ҳамюртимиз Анвар Абдуллаев ва қозоғистонлик Аскар Жаксиликов ўртасида чемпионлик камари учун кечади.

Таъкидлаш жоиз, Бобур Абдулазизов фаолияти давомида ҳозирга қадар 34 та жанг ўтказиб, 23 ғалаба ва 11 мағлубият қайд этган. Кирилл Карпейкин ҳисобида эса иккитадан ғалаба ва мағлубият бор.