Бобур Қурбонов Hardcore реалити шоуси чемпионлиги учун жанг қилди ва якунда яхшигина пул ишлаб олди

HFC Reality шоусининг финал жанги ўзбекистонлик аралаш яккакураш устаси Бобур Қурбонов ҳамда грузиялик Торнике Сванидзе ўртасида кечди.

Афсуски, жангда Бобур Қурбонов иккичи раундда техник нокаут орқали имкониятни бой бериб қўйди. Шунга қарамай, Бобур Қурбонов 1 млн 500 минг рубль миқдоридаги пул мукофоти билан тақдирланди. Реалити шоудаги жанглар спортчиларнинг профессионал рекордларига киритилмайди.

Маълумот учун, Бобур Қурбонов фаолияти давомида 18 та жанг ўтказиб, 13 ғалаба ва 6 мағлубият қайд этган. У сўнгги жангини шу йилнинг январь ойида UAE Warriors 46 турнири доирасида тожикистонлик Самандар Муродовга қарши ўтказиб, мағлуб бўлган эди. Торнике Сванидзе ҳисобида эса 6 та ғалаба ва 3 та мағлубият бор.