Богдан Гусков жанг қилган UFC 323 турнирининг барча натижалари битта хабарда

Оқшомнинг асосий жанги ўта енгил вазн тоифасида UFC чемпиони грузиялик Мераб Двалишвили ҳамда россиялик даъвогар Петр Ян ўртасида кечди. Беш раунд тўлиқ давом этган даҳшатли жанг якунида Петр Ян ҳакамларнинг якдил қарори билан очколар ҳисобига кўра ғалаба қозонди. 

Турнирнинг co-main event жанги эса энг енгил вазн чемпиони бразилиялик Александре Пантожа ҳамда мьянмалик даъвогар Жошуа Ван ўртасида бўлиб ўтди. Жанг кутилмаган ҳолат билан якунланди. Биринчи раунднинг 27-сониясидаёқ Пантожа ноқулай йиқилиши натижасида қўлининг тирсак қисмини синдириб олди. Жанг тўхтатилди ва техник нокаутли ғалаба Жошуа Ванга берилди.   

Биз учун аҳамиятлиси, турнирнинг асосий кардида ҳамюртимиз Богдан Гусков польшалик 42 ёшли собиқ чемпион Ян Блаховичга қарши октагонга кўтарилди. Уч раунд тўлиқ давом этган жангда дуранг натижа қайд этилди. Ҳакамлардан икки нафари жанг дуранг билан якунлагани, яна бири эса Блахович ғалаба қозонганини эътироф қилган. 

UFC 323 турнири. Асосий кард жанглари

Мераб Двалишвили – Пётр Ян – чемпионлик жанги

AND NEWWWW... Пётр Ян ўз чемпионлик камарини қайтариб олди. Мерабга ҳам қойил. Бир йил ичида тўртта чемпионлик ҳимоя жанги. Ян 5 йиллик танаффусдан сўнг яна UFC чемпиони!

Александре Пантожа – Жошуа Ван – чемпионлик жанги

Ўта енгил вазн тоифасидаги чемпионлик жанги кутилмаган кўринишда якунланди. Жангнинг 27-сониясида Пантожа ноқулай йиқилиши натижасида қўли тирсак қисмидан чиқиб кетди. Ҳакамлар техник нокаут қайд этишди. Мьянмалик Жошуа Ван осонлик билан ўта енгил вазннинг янги чемпионига айланди. 

Брэндон Морено – Тацуро Тайра 

Энг енгил вазн тоифасида ўтказилган жанг муддатидан аввал якунига етди. Япониялик Тайра собиқ UFC чемпиони Брэндон Моренони иккинчи раундда техник нокаутга учратди. Тайра жанг олдидан рейтингда 5, Морено 2-ўринни эгаллаб турганди. Катта эҳтимол билан энди жангчилар рейтингдаги ўринларини алмашиб олишади. Тацуро чемпионлик камари учун расмий даъвогар айланиб олса ажаб эмас. 

Генри Сехудо – Пэйтон Талботт 

Турнир доирасида икки вазн тоифасида собиқ UFC чемпиони, эркин кураш бўйича Олимпиада чемпиони Генри Сехудо ёш Пайтон Тэлботтга қарши жанг қилди ва тўлиқ уч раунд давом этган баҳсда очколар ҳисобига кўра имкониятни бой берди. Бу Сехудо учун фаолиятидаги сўнгги жанг бўлди. 

Ҳакамлар ҳужжатидан кўчирма. Афсус, жуда аламли дуранг. Ғалаба Богданни Топ-10`таликка 100 фоиз олиб кирарди. 

Ян Блахович – Богдан Гусков 

Богдан кетма-кет бешинчи ғалабага яқин эди. Афсуски, охирги 10 сония дуранг натижани таъминлаб берди. Бу ерда Гусковга тажриба етишмади. Учинчи раундда темпни туширди, тажрибали Блахович аксинча, сўнгги раундда фаоллашди, сўнгги сониялардаги зарбалар эвазига муқаррар мағлубиятдан қутулиб қолди. Аламли дуранг - 29-28, 28-28, 28-28. Бир ҳакам Блаховичга ғалабани берди, икки ҳакам эса дуранг натижа қайд этди. Богдан Гусков UFC'даги фаолиятида илк бор дуранг қайд этди.

Пётр Яннинг кийиниш хонаси...

UFC 323 турнирининг асосий жанги қаҳрамонлари - грузиялик чемпион Мераб Двалишвили россиялик даъвогар, ушбу камарнинг собиқ соҳибларидан бири Пётр Ян аренага етиб келди. Бу нафақат Мераб, балки UFC учун ҳам тарихий жанг. Грузиялик аралаш яккакураш устаси 2025 йил ҳисобидан ўз чемпионлик камарини тўртинчи бор ҳимоя қилади. 

Прелим кард жанглари

Грант Доусон – Мануэль Роберто Торреc

Енгил вазн тоифаси жангчилари иштирокидаги жанг ҳам муддатидан аввал якунланди. Прелим кардни ёпиб берган жангда мексикалик Мануэль Торрес рақиби Грант Доусонни техник нокаутга учратди. Торрес зарбачи, Доусон эса курашчи эди. Грант ўз усулида рақибини партерга тушириш учун бир неча бор уриниб кўрди, аммо Торрес зарбалар эвазига ўз мақсадига етди. У янгиланган рейтингда Топ-15`таликка кирса керак.      

Оқшомнинг сo-main event жанги иштирокчилари - энг енгил вазн тоифаси чемпиони бразилиялик Александре Пантожа ҳамда мьянмалик даъвогар Жошуа Ван аренага етиб келди.

Терренс МакКинни – Крис Данкан 

Енгил вазн тоифаси вакиллари иштирокидаги жанг муддатидан аввал якунига етди. Маккинни биринчи раунднинг биринчи дақиқасидаёқ нокаут эвазига ғалаба қозониши мумкин эди. Данкан нафақат мўъжиза эвазига оёқда тура олди, балки ўзи рақибини "анаконда" усули билан мағлубиятга учратди. Бу пайтда биринчи раунднинг иккинчи дақиқаси 30-сонияси ўтиб бораётганди.

Мэйси Барбер – Карин Сильва 

UFC 323 турнири кардидан ўрин олган ягона аёллар жанги ўта енгил вазн тоифаси рейтингида бешинчи ўринни эгаллаб турган Мэйси Барбер Топ-10`таликдан жой олган Карин Сильвага қарши октагонга чиқди. Тўлиқ уч раунд давом этган жангда Мэйси ҳакамларнинг якдил қарори билан очколар ҳисобига кўра ғалаба қозонди. Биринчи раундда икки бор рақибасини самбишенга туширишга уринган Сильва фойдасига ҳал бўлганди.

Назим Садихов – Фарес Зиам 

Прелим карднинг илк жанги муддатидан аввал якунига етди. Енгил вазн тоифаси вакиллари жангида озарбайжонлик Назим Садихов UFC`даги илк мағлубиятини қабул қилиб олди. Дастлабки раундни Зиам ишонч билан ўз ҳисобига ёзиб қўйди. Иккинчи раунднинг сўнгги сонияларида дивизион келажаги сифатида қаралаётган Фарес Зиам Садиховни техник нокаутга учратди. Назим жанг тўхталишига эътироз билдирди, аммо рефери қарорини ўзгартирмади. Садихов UFC`даги илк мағлубиятини қабул қилди.

Эрта прелим кард жанглари

Марвин Веттори – Бруно Феррейра 

Эрта прелимнинг сўнгги жанги ғолиби ҳакамлар қарорига кўра аниқланди. Биринчи раунд Феррейра ҳисобига ёзилди. Веттори гонг чалинишига яқин фаоллашди, лекин кеч эди. Иккинчи раундда деярли тенг курашлар остида кечди. Лекин барибир Брунонинг ҳаракатлари аниқроқ кўринди. Учинчи раундда Марвин вазиятни ўз томонига ўзгартириш учун ҳаракат қилди, аммо бу умумий ғалаба учун камлик қилди. Феррейра ҳакамларнинг якдил қарори билан очколар ҳисобига кўра ғалаба қозонди. Энди у янгиланган рейтингда Ветторининг Топ-15`даги ўрнини эгаллайди.

Эдсон Барбоза – Жэлин Тернер 

Жэлин Тернер биринчи раунддаёқ фахрий жангчи, тажрибали аралаш яккакураш устаси Эдсон Барбозани нокаутга учратди.

Иво Бараневский – Ибо Аслан 

Яримоғир вазн тоифасидаги бу жанг ҳам муддатидан олдин тугади. Икки дақиқага ҳам чўзилмаган жангда Бараневски ва Аслан ҳақиқий "қонли уруш" уютиришди. Польшалик Бараневски рақибини нокаутга учратди. Иво Бараневски шу йил Дана Уайтнинг Даъвогар турнирдаги ғалабаси эвазига UFC промоушенидан шартнома олганди. Бу унинг дебют жанги бўлди. Туркиялик Ибо Аслан бундан аввалги иккита жангида ҳам мағлубиятга учраганди. Катта эҳтимол билан бу унинг UFC`даги сўнгги жанги бўлди.

Мансур Абдул-Малик – Антонио Троколи 

Ушбу жанг ҳам муддатидан аввал якунига етди. Бир дақиқаю тўққиз сонияда Абдул-Малик гильотина - бўйинни бўғиш усули билан бўйи новча рақибини самбешин қилди. Мансур Абдул-Малик мағлубиятсиз сериясини давом эттирди. Антонио Троколи Шара Буллет билан жанг ўтказгани билан танилганди.  

Муҳаммад Наимов – Майрон Сантос 

UFC 323 турнири кардини очиб берган илк жангда нокаут қайд этилди. Майрон Сантос учинчи раундда тожикистонлик Муҳаммад Наимовни иккилик зарбаси билан техник нокаутга учратди. Сантос биринчи ва иккинчи раундларда ҳам устунликка эришганди. Ҳар икки аралаш яккакураш устаси бугунги жангга қадар иккиталик ғалабали серия билан келаётганди.