18 май 15:40
Янгиликлар

Бокс/ММА

Богдан Гусков Хамзат Чимаевга қарши ярим оғир вазндаги эҳтимолий жанги ҳақида гапирди

Ўзбекистонлик UFC жангчиси, ярим оғир вазн тоифасидаги рейтингнинг ўнинчи поғонасини эгаллаб турган Богдан Гусков ўрта вазн собиқ чемпиони Хамзат Чимаевга қарши жангга муносабат билдирди.

Аввалроқ, Чимаевнинг тез орада ярим оғир вазн тоифасига кўтарилиши ҳақида хабар берилганди.

"Нега рад этишим керак? Хамзат — тарихдаги энг йирик номлардан бири. Хамзат Чимаев билан октогонда тўқнаш келиш мен учун ажойиб имконият бўларди. Рейтингда мендан юқори поғонани эгаллаб турган жангчиларга қарши чиқиш мен учун доим қизиқ бўлган. Бундай имкониятдан воз кечадиган даражада аҳмоқ эмасман. Фаолиятимда ўсишга ва олдинга қадам ташлашга ёрдам берадиган ҳар қандай чорловга ҳамиша тайёрман", дейди Гусков.

Богданнинг кейинги жанги июль ёки август ойида бўлиб ўтиши кутилмоқда.