18 июл 15:58
Янгиликлар
Бокс/ММА
Богдан Гусковнинг UFC'даги илк жангини қачон ва қаерда ўтказиши маълум бўлди
Бугун тонгда ўзбекистонлик аралаш яккакураш устаси Богдан Гусковнинг UFC'га расман қўшилгани ҳақида хабар берган эдик.
Ярим оғир вазн тоифасида UFC жангчисига айланган Гусков илк жангини 3 сентябрь куни Франция пойтахти Париж шаҳрида ташкил этиладиган UFC Fight Night 226 турнирида ўтказади. Унга ким рақиблик қилиши ҳозирча номаълум. Бу ҳақда Богданнинг дўсти, UFC жангчиси Жонни Уокернинг акаси Вальтер Игнасио хабар берган.
UFC Paris турнирининг марказий жангида оғир вазн вакиллари - Сирил Ган ҳамда Сергей Спивак ўзаро тўқнаш келади.
Маълумот учун, ҳозирда UFC'даги ўзбекистонликлар сони уч нафарни ташкил этмоқда: Маҳмуд Мурадов (ўрта вазн), Нурсултон Рўзибоев (ўрта вазн) ҳамда Богдан Гусков (ярим оғир вазн).
Ҳавола :
Манба : olamsport.com
Фикрлар