Бокс бўйича Ўзбекистон чемпиони Қозоғистон терма жамоаси сафида дебют қилди

Турнирнинг илк босқичида 65 килограммгача вазн тоифасидаги Саят Ильясов туркиялик Айкол Мизанга қарши жанг қилиб, ҳакамларнинг якдил қарори (5:0) билан ғалаба қозонди. Чорак финалда у қирғизистонлик Омар Ливазани 4:1 ҳисобида мағлуб этди. Бугун мусобақа ярим финалида Саят ўзининг ўзбекистонлик собиқ жамоадоши Илҳомжон Эргашевга қарши рингга чиқади.

Ильясов — этник қозоқ бўлиб, аввал Ўзбекистон шарафини ҳимоя қилган. У терма жамоамиз сафида 22 ёшгача бўлганлар ўртасида Осиё чемпионига айланган, 2025 йилги IBA жаҳон чемпионатида иштирок этган. 2026 йил бошида расман спорт фуқаролигини ўзгартирган Ильясов ҳозирда Манғистау вилояти ва Қозоғистон миллий терма жамоаси шарафини ҳимоя қилмоқда.