Бокс. Душанбеда Тожикистон - Ўзбекистон учрашуви ўтказилади

Бу ҳақда Тожикистоннинг news.tj сайти хабар тарқатди. Бокс турнирида Тожикистон ва Ўзбекистон боксчилари ўзаро рингга кўтарилишади. Турнир “Тож Промоушен” промоутерлик компанияси томонидан ташкил этиляпти ва 29 июль куни Душанбедаги “Ахорун” амфитеатрида бўлиб ўтади.

Ушбу бокс оқшомида ҳамюртларимизга қарши Тожикистоннинг машҳур чарм қўлқоп усталари - “Шер” лақабли Шерали Мамадалиев, Бахтиёр Мирзомуҳаммад ва Асрор Воҳидов рингга кўтарилишади.

Оқшомнинг асосий жанглари:

1. Шерали Мамадалиев (Тожикистан) – Мақсуд Жумаев (Ўзбекистон)

Рейтинг жанги, ярим ўрта вазн (66,678 кг), 8 раунд

2. Бахтиёр Мирзомуҳаммад (Тожикистон) – Алишер Хабибуллаев (Ўзбекистон)

Рейтинг жанги, ўрта вазн (72,5 кг), 6 раунд

3. Асрор Воҳидов (Тожикистон) – Ҳумоюн Рустамов (Ўзбекистон)

Рейтинг жанги, ярим енгил вазн (55,338 кг), 6 раунд.