Бокс. Қатар ўз тарихида илк бор медаль қўлга киритди

Ал Айнда ўтказилаётган ўсмирлар ўртасидаги Осиё чемпионатида Фарис Али ал Тани совриндорлар қаторидан ўрин олди. 

У 80 кг вазн тоифасида чорак финалда ғалаба қозониб, ярим финалга йўл олди ва бронза медалини нақд қилди. 

Бунгача Қатар бундай мусобақаларда умуман медаль қўлга киритмаганди. 

"16 ёшли истеъдод ушбу тарихий натижаси билан мамлакатига медаль тақдим этди", - дейилади Осиё бокс конфедерацияси матбуот хизмати хабарида.