06 фев 12:58
Янгиликлар
Бокс/ММА
Бокс қироличаси камарларни бирлаштиришда давом этмоқда
Уэльснинг Кардифф шаҳрида навбатдаги профессионал бокс кечасининг ўтказилгани ҳақида хабар берган эдик.
Оқшом доирасидаги қизиқарли жангда икки карра Олимпиада чемпиони, аёллар ўртасида мутлақ жаҳон чемпиони Кларисса Шилдс Эм Козинга қарши рингга кўтарилди. Ўрта вазн тоифасида WBC, WBA ва IBF чемпионлик камарлари учун кечган жанг тўлиқ давом этди.
Шилдснинг тўлиқ устунлигида ўтган жанг якунида ҳакамлар 100-90, 100-90, 100-90 ҳисобидаги ғалабани чемпионга тақдим этишди. Кларисса Шилдс бундан аввалги жангини ММА қоидалари асосида ўтказиб, мағлубиятга учраган эди.
Катта эҳтимол билан энди Шилдс ўрта вазнда WBO йўналиши чемпиони, британиялик Саванна Маршаллга қарши ўтказади. Айнан Маршалл ҳаваскор боксда Клариссага унинг фаолиятидаги ягона мағлубиятни тақдим этган.
Ҳавола :
Фикрлар