Шилдс рекорд даражадаги шартнома имзолади, у 2026 йилда рингга қайтади

Америкалик боксчи кафолатланган 8 миллион доллар миқдоридаги шартнома имзолади. Бу ҳақда Associated Press хабар бермоқда. 

Келишув Wynn Records ва Salita Promotions промоутерлик компаниялари билан имзоланди. Келишувда жанглар сони аниқ кўрсатилмаган, бироқ 30 ёшли боксчи учун кросс-промоутерлик имкониятлари кўзда тутилган.

"Кларесса Шилдс икки карра Олимпиада чемпиони бўлган биринчи америкалик боксчи, премиум-каналдаги бокс шоусининг биринчи аёл бошловчиси ва бир нечта вазн тоифаларида мутлақ жаҳон чемпиони бўлди", - деди Salita Promotions президенти Дмитрий Салита.

Шилдс ноёб ютуққа эга - у уч хил вазн тоифасида бир вақтнинг ўзида тўртта асосий камарга эга бўлган тарихдаги ягона боксчи. Унинг фаолиятида 17 та ғалаба бор. Шилдс сўнгги жангини шу йил июль ойида Детройтда Лени Даниэлсни мағлуб этиб, оғир вазн тоифасидаги чемпионлик унвонларини ҳимоя қилган эди.