02 дек 17:05
Янгиликлар

Бокс/ММА

Мутлақ жаҳон чемпиони Forbes рўйхатида

Бокс бўйича аёллар ўртасида ўрта ва биринчи ўрта вазн тоифаларида мутлақ жаҳон чемпиони Кларесса Шилдс Forbes журналининг «30 дан 30 гача» йўналишида эътироф этилди.

Кларессадан ташқари Forbes`нинг ушбу рўйхатига яна уч спортчи киритилди: "Финикс Санз" клуби ҳимоячиси Девин Букер, "Торонто Блю Жейс" вакили Владимир Герреро ҳамда "Даллас Ковбойз" аъзоси Дак Прескотт.

Forbes журналининг ушбу рейтинги дунёнинг 30 ёшгача инсонлари орасида жаҳон миқёсида эътирофга эришганлардан тузиб чиқилади.

Эслатиб ўтамиз, Шилдс октябрь ойида АҚШнинг Голливуд шаҳридаги Hard Rock Hoteland Casino аренасида аралаш яккакураш прмоушени (PFL) томонидан ташкил этилган ММА турнирида мексикалик Абигейл Монтесга қарши октагонга кўтарилганди. Монтес ўша жангда ҳакамлар қарорига кўра 29-28 (Шилдс), 29-28 (Монтес), 29-28 (Монтеc) боксчи рақибасидан 2:1 ҳисобида устун келганди. Ушбу ғалаба эвазига мексикалик 1 млн доллар ишлаб олган эди.

Энди Шилдс 11 декабрь куни Буюк Британияда ўтказиладиган бокс оқшомида ўрта вазнда ўзига тегишли бўлган WBC, WBA ва IBF камарларини словениялик Эма Козиндан ҳимоя қилади.