03 дек 17:28
Янгиликлар

Бокс/ММА

Боксчиларимиз Қозоғистонда "Серик Конакбаев турнири"да иштирок этишди

Қозоғистоннинг Олма-Ота шаҳрида бокс бўйича СССРда хизмат кўрсатган спортчи, бугунги кунда Осиё бокс конфедерацияси президенти ҳисобланган Серик Конакбаев соврини учун мусобақа бўлиб ўтди.

Ушбу мусобақада икки нафар ўзбекистонлик боксчи ҳам иштирок этди.

24-27 ноябрь кунлари Олма-Отада бўлиб ўтган мусобақада ҳамюртларимиздан Жаҳонгир Қаюмов ва Мухтор Абдуллаевлар иштирок этдилар.

Баҳсларда -60кг вазн тоифасида иштирок этган Жаҳонгир Қаюмов финалгача етиб борди ва мусобақанинг кумуш медалини қўлга киритди.

Мухтор Абдуллаев эса ҳал қилувчи жангларга йўлланма ололмади.