01 сен 13:35
Янгиликлар

Теннис

Бўларканку! Омонмуродова Алмати турнири ғолибаси!

Қозоғистоннинг Алмати шаҳрида ўтказилаётган теннис бўйича “Фьючерс” туркумига кирувчи турнир якунланди.

Қувонарлиси, соврин жамғармаси 25 000 АҚШ долларини ташкил қилувчи мусобақанинг яккалик баҳсларида ўзбекистонлик теннисчи бош соврин соҳибасига айланди.

Бундан бир неча дақиқа аввал якунланган финал учрашувида ҳамюртимиз Оқгул Омонмуродова турнирнинг учинчи ракеткаси, россиялик Валерия Юрченкони 6:4, 6:2 ҳисобида таслим этиб, мусобақа ғолибаси бўлди.