22 май 11:50
Янгиликлар

Бокс/ММА

BOOM: Пакьяо икки йиллик танаффусдан сўнг қайтмоқда + ПОСТЕР

Филиппинлик афсонавий боксчи, 8 вазн тоифасида собиқ жаҳон чемпиони, сенатор Мэнни Пакьяо (62-7-2, 39 КО) август ойида рингга кўтарилади.

Аниқроғи, Мэнни 21 август куни АҚШнинг Невада штати Лас-Вегас шаҳрида яримўрта вазнда WBC ва IBF йўналишлари чемпиони, америкалик Эррол Спенс (27-0, 21 КО)га қарши жанг ўтказади. Ҳар икки чемпион ҳам бу маълумотни расман тасдиқлашди.

“Расман келишувга эришилди. Тез орада Вегасда йилнинг энг катта жангида кўришамиз”, – дея ўзининг Инстаграм саҳифасида хабар қолдирган Спенс.

Ўз ўрнида Пакьяо ҳам жанг постерини ижтимоий тармоқларига жойлаган. Филиппинлик сўнгги бор 2019 йилнинг ёзида Кит Турманга қарши жанг ўтказиб, рақибининг WBA Super камарини тортиб олганди. Кейин эса узоқ вақт камарни ҳимоя қилмагани учун чемпионликдан маҳрум этилган эди.

Эррол Спенс эса сўнгги бор 2020 йилнинг декабрида рингда кўриниш берган. Ўшанда у икки вазнда собиқ жаҳон чемпиони Дэнни Гарсияни ҳакамларнинг қарори билан мағлубиятга учратганди.