Бразилия 2023 йилнинг январида янги мураббий тайинлашини эълон қилди

Бу ҳақда Бразилия футбол конфедерацияси (CBF) хабар берди. Ташкилот баёнотида айтилишича, CBF раҳбари Эдналдо Родригес мустақил равишда янги мураббий қидирмоқда. Конфедерация президенти ҳеч кимга ташкилот номидан янги мураббий излашга рухсат бермаган.

Бразилия терма жамоасининг янги бош мураббийи номи 2023 йилнинг январида маълум бўлади. Бразилияни 2016 йилдан буён бошқариб келган Тите терма ЖЧ-2022даги юришини 1/4 финал босқичида тўхтатганидан кейин бош мурабббий лавозимини тарк этган эди.