Бразилиялик таниқли UFC жангчисига катта кўчани кўрсатиб қўйишди

Бу сафар бразилиялик Бруно Сильва ташкилот ростеридан чиқарилди. 35 ёшли аралаш яккакураш устаси яримоғир вазн тоифасида ўз жангларини ўтказиб келаётганди. Промоушендан ҳайдалишига сабаб етарли бўлиб улгурган экан. Кетма-кет 5 та мағлубиятдан кейин UFC босслари Брунога бошқа "шанс" бермасликни лозим топишди.   

Маълумот учун, Бруно Сильва ўтган ҳафта Монреалда ўтган турнирда канадалик Марк-Андре Барриога биринчи раунднинг ўзида нокаут эвазига ютқазган эди. Унинг ММАдаги натижаси 36 та жанг - 23 ғалаба ва 13 мағлубиятдан иборат. Сўнгги икки йилда бешта мағлубиятни қабул қилиб олган Сильва фаолиятининг маълум қисмини Россияда ўтказган ва ҳатто М-1 Challenge промоушени чемпиони ҳам бўлган эди.