17 фев 14:51
Янгиликлар

Теннис

Брэди Australian Open 1/2 финалига йўл олди

Дунёнинг 24-ракеткаси бўлиб турган Женнифер Брэди Мельбурнда давом этаётган Австралия Очиқ чемпионатининг ярим финал иштирокчисига айланди.

Америкалик теннис маликаси роппа-роса 100 дақиқа давом этган чорак финал учрашувида WTA рейтингида 61-поғонада бораётган ватандоши Жессика Пегулани 4/6, 6/2, 6/1 ҳисобларида мағлубиятга учратди. Бу билан Брэди ўзаро учрашувлардаги ҳисоб мувозанатини ҳам тиклади - 1:1.

Жениффер фаолиятида иккинчи бор "Катта Дубулға" туркумига кирувчи турнирларнинг 1/2 финал иштирокчисига айланди. Унинг финал остонасидаги рақибаси чехиялик Каролина Мухова бўлади. Женнифер Австралия Очиқ чемпионатидан сўнг рейтингда Топ-20 теннисчилар сафига кириб олади.