21 мар 15:16
Янгиликлар
Бокс/ММА
"Бу икки қадам орқага бўларди". Сен-Дени нега Оқ уйда Чендлер билан жангдан воз кечганини айтди
UFC рейтингида бешинчи ўринда турган франциялик Бенуа Сен-Дени Оқ уйда ўтказилиши режалаштирилган турнирда америкалик Майкл Чендлерга қарши жангдан воз кечганини маълум қилди.
"Дастин Порье билан жангдан кейин (UFC 299) мен қизиқарли чақириқлар излай бошладим. Мен андердог бўлишни хоҳлайман, шунда одамлар: “Бу жанг Бенуа учун синов. Агар у бу рақибни енгса, демак, у элитага киради ва чемпион бўлиш салоҳияти бор”, дейишади.
Бундай эътирофни Арман Царукян, Чарльз Оливейра ёки Илия Топурияга қарши жангда олишим мумкин эди. Майкл Чендлер билан эса буни қўлга киритиш қийинроқ, чунки мен яқинда рейтингда юқорироқ турган тўрт нафар жангчини мағлуб этдим. Энди эса бу турнир учун икки қадам орқага ташлашимга тўғри келади.
Албатта, Оқ уйга бориб, у ерда жуда машҳур бўлган “Капитан Америка” билан жанг қилиш жозибали эди. Қолаверса, июнь ойида жангга 100% тайёр бўлишимга ҳам ишончим комил эмас", — деди Сен-Дени RMC Sport’га.
Ҳавола :
Манба : RMC Sport
Фикрлар