30 июн 09:09
Янгиликлар

Бокс/ММА

"Бу жанг дунё учун керак!": Рестлер Емельяненкога "вызов" ташлади + ФОТО

Америкалик рестлер, параллел равишда Bellator промоушенида октагонга чиқиб келаётган Жек Сваггер ўзининг "Твиттер"даги саҳифасида сурат ва унинг остида изоҳ қолдирди.

Сваггер афсонавий ММА жангчиси Фёдор Емельяненко билан бирга тушган суратини ижтимоий тармоқдаги саҳифасига жойлаган.

"Бу жанг дунё учун керак!" — дея сурат остига изоҳ ҳам ёзиб қолдирган Сваггер.

Эслатиб ўтамиз, Фёдор Емельяненко навбатдаги жангини 23 октябрь куни Москва шаҳрида ўтказади. Ҳозирча "Сўнгги Император"нинг бўлажак жангдаги рақиби маълум эмас. Фёдор ўзининг охирги жангини 2019 йилнинг декабрь ойида ўтказган ва ўшанда собиқ UFC жангчиси Куинтон Жексонни муддатидан аввал мағлубиятга учратган эди.