"Бу — мен хоҳлаган жанг". Холлоуэй енгил вазнда ким билан жанг қилмоқчи эканлигини айтди

"Оливейра билан реванш — мен хоҳлаган жанг. Бу жангни кўпчилик кўрмоқчи. Бизда у билан тарих бор. Ҳозир ростерда BMF камари учун мос жангчилар кўп эмас, аммо Чарльзнинг номи бу қисқа рўйхатда бор.

У ҳар сафар бизнинг илк жангимиз ҳақида гапирганда, мағлубиятни жароҳат билан изоҳлайди. Шунинг учун бу масалага нуқта қўяйлик.

Оливейра бир вақтлар катта ишларни амалга оширган, чемпион бўлган. Агар мен яна енгил вазннинг ТОП-5 жангчисидан бирига қарши жангда ғалаба қозонсам, бу мени асосий мақсадим — камар учун жангга яқинлаштиради", — деди Холлоуэй Yahoo Sports нашрига.