"Бу хиёнат" — Трампга овоз берган собиқ UFC чемпиони Эрон билан урушни танқид қилди

Ўрта вазн тоифасида собиқ UFC чемпиони америкалик Шон Стрикленд АҚШнинг Эрон билан урушини танқид қилди.

"Трамп Эрон масаласини кўтариб, ишчилар синфига хиёнат қилди. Хўш, бу ўртача одамга қанчага тушди? Бой янада бойийди, камбағал янада қашшоқлашади. Бу ҳақиқий хиёнат...

Ҳеч ким Эрондаги уруш фойдасига "Менга ишон, биродар"дан бошқа ҳеч қандай мантиқий далил келтирмаган. Айтинг-чи, бундан Америкага озгина бўлса-да фойда бўладими? Айтингчи, Эроннинг Калашников автоматлари билан тасодифий гуруҳларни молиялаштириши аслида менинг ҳаётимга қандай таъсир қилади? Ядро қуролими? Мен буни 20 йилдан бери эшитаман", - деб ёзди Стрикленд Х ижтимоий тармоғидаги саҳифасида.

Шон 2024 йилда UFC жангчилари орасида Дональд Трампнинг иккинчи президентлик муддатига сайланишининг энг ашаддий тарафдорларидан бири эди, бироқ вақт ўтиши билан унинг маъмурияти сиёсатини танқид қила бошлади.