20 сен 10:40
Янгиликлар

Теннис

Бугун Абдураимова Португалия турниридаги иштирокини бошлайди

Португалиянинг Лейрия округи Калдаш-да-Раинья шаҳрида теннис бўйича W60 тоифасига кирувчи турнир давом этмоқда.

Ушбу мусобақада ҳамюртимиз Нигина Абдураимова ҳам ўз имкониятини синаб кўради. Бугун мамлакатимизнинг биринчи ракеткаси илк давра учрашувида швейцариялик 18 ёшли Селин Наефга қарши кортга чиқади. 1/16 финал босқичидан ўрин олган ушбу баҳс бизнинг вақт билан соат 16:00да бошланади.

Таққослаш учун, Нигина Абдураимова WTA рейтингида 195, Селин Наеф эса 125-ўринни эгаллаб турибди. Нигина охирги 5 та учрашувидан 2 тасида, Селин эса 5 та баҳснинг барчасида ғалаба қозонган. Бу теннисчиларнинг ўзаро илк учрашуви бўлади.