02 янв 09:51
Янгиликлар
От Спорти
Бугун "Амирсой"да поло бўйича навбатдаги мусобақа ўтказилади
Ташкил топганига унчалик кўп вақт бўлмаган Ўзбекистон поло федерацияси ушбу спорт турини юртимизда янада оммалаштириш йўлида навбатдаги дастурни йўлга қўймоқда.
Бугун Тошкент вилояти Бўстонлиқ туманидаги “Амирсой” дам олиш масканида поло бўйича навбатдаги ўртоқлик ўйини бўлиб ўтади.
Юртдошларимизга байрамона кайфият улашиш ҳамда улар учун ушбу спорт турининг ўзига хос шиддатини улашиш мақсадида ташкил қилинаётган бўлажак беллашув “Амирсой” ва “Universal jumping agro” жамоалари ўртасида бўлиб ўтади. Чавгон усталари баҳс олдидан ўз тулпорлари ва инвентарларини назоратдан ўтказиб олдилар. Айни пайтда беллашув бўлиб ўтадиган майдон сари йўл олишмоқда. Ўйин соат 11:00 да старт олади.
Ўзбекистон поло федерацияси барча спорт мухлисларини мусобақани бевосита томоша қилиш учун «Амирсой» дам олиш масканига таклиф этади.
Ҳавола :
Манба : olympic.uz
Фикрлар