Бугун Astana Barysy Grand Slam`да 5 нафар дзюдочимизга мухлислик қиламиз

Мукофот жамғармаси 154 000 еврони ташкил қилувчи Barysy Grand Slam 2024 мусобақасида дунёнинг 5 қитъаси 87 давлатидан жами 455 нафар (238 эркак, 217 аёл) дзюдочи иштирок этмоқда. Улар орасида Ўзбекистон терма жамоаси аъзолари ҳам бор. 

Бугун ўрта вазн тоифасида беллашувлар ташкил этилади ва унда 5 нафар дзюдочимиз медаллар ҳамда Париж-2024 Олимпиадаси йўлидаги қимматли очколар учун татамига чиқади.

Дзюдочиларимизнинг илк рақиблари:

-70 кг: Гулноза Матниязова — Фидан Огел (Туркия)

-70 кг: Шоҳиста Назарова — Эбони Дрисдейл (Ямайка)

-73 кг: Муҳаммадяҳё Маҳаммаджонов — Муса Шабданбеков (Қирғиз Республикаси)/Дастан Шаяхметов (Қозоғистон) 

-81 кг: Шарофиддин Болтабоев — Теодорос Демурцидис (Греция)/Доминик Рессел (Германия)

-81 кг: Нурбек Муртазоев — Мади Амангелди (Қозоғистон)/Алан Хубецов (AIN)

Маълумот учун, Астана "Катта Дубулға" турнири Абу-Даби шаҳри мезбонлигидаги жаҳон чемпионати ҳамда Париж-2024 Олимпиадаси олдидан ўтказилаётган сўнгги IJF мусобақаси ҳисобланади.