Бугун Бекзод Абдураҳмонов ва Ғуломжон Абдуллаев янги вазнда гиламга чиқади (Жуфтликлар)

Бугун Ўзбекистон эркин кураш терма жамоасининг 6 нафар вакили мусобақа медаллари ҳамда муҳим рейтинг очколари учун баҳсларга киришади. Токио Олимпиадаси совриндори Бекзод Абдураҳмонов вазнини 12 килограммга кўтарди ва бугун у 86 кг вазн тоифасида гиламга чиқади. У декабрь ойида айнан шу вазнда дебют қилган ва Ўзбекистон чемпиони бўлган эди. 

Шунингдек, бугунги беллашувларда яна бир Токио Олимпиадаси иштирокчиси Ғуломжон Абдуллаев ҳам ўзи учун янги вазнда иштирок этади. Қизиғи, 65 кг вазндаги икки курашчимиз Аббос Раҳмонов ва Умиджон Жалолов 1/8 финалдаёқ бир-бирлари билан тўқнаш келишлари мумкин. Бунинг учун Жалолов илк квалификация баҳсида озарбайжонлик Али Раҳимзодани мағлуб этиши лозим. Шунда икки юртдошимиз 1/8 финалда учрашишади. Бу вазндаги учинчи вакилимиз Нодир Раҳимов эса илк саралаш босқичида руминиялик Николай Охлопковга қарши баҳс олиб боради.  

Эркин курашчиларимизнинг илк рақиблари: 

61 кг: Ғуломжон Абдуллаев - Каббар Дуюм (Туркия)

65 кг: Умиджон Жалолов - Алим Раҳимзода (Озарбайжон)

65 кг: 1/8 финал: Аббос Раҳмонов - Умиджон Жалолов / Алим Раҳимзода (Озарбайжон)

65 кг: Нодир Раҳимов - Николай Охлопков (Руминия) 

74 кг: Асомиддин Ҳасанов - Притам Притам (Ҳиндистон) 

86 кг: 1/8 финал: Бекзод Абдураҳмонов - Максат Сатибалди (Қозоғистон)