Бугун Чирчиқ шаҳрида спорт курашлари рестарти амалга ошади

Узоқ давом этган карантиндан кейинги илк мусобақа 2004-2005 йилларда туғилган ўсмирлар ўртасида ўтказилмоқда. Бугун мамлакат биринчилигининг илк куни юнон-рим курашчилар баҳсларга киришишади. 

Бироздан сўнг -45, -48, -51, -55, -60, -65, -71, -80, -92 ҳамда 110 кг вазн тоифаларида саралаш беллашувлари бошланади. Ушбу баҳсларда Қорақалпоғистон Республикаси, барча вилоятлар ҳамда Тошкент шаҳридан жами 155 нафар ёш классикларимиз гиламга чиқишади. Соат 14:00да Ўзбекистон биринчилигининг тантанали очилиш маросими бўлиб ўтади. Куннинг иккинчи ярмида (16:30-18:00) эса медаллар учун финал беллашувлари ўтказилади. 

Эртага, 11 ноябрь куни эса эркин кураш бўйича мамлакат биринчилиги баҳслари ташкил этилади. Эркин курашчиларимиз ҳам худди юнон-римчиларимизда бўлгани каби -45, -48, -51, -55, -60, -65, -71, -80, -92 ҳамда 110 кг вазн тоифаларида Ўзбекистон чемпионлиги учун гиламда куч синашишади.