Бугун эркин курашчиларимиз Биринчи МДҲ ўйинларига жўнаб кетишади (таркиб)

Унда МДҲга аъзо Россия, Арманистон, Озарбайжон, Молдова, Беларусь, Қозоғистон, Қирғизистон, Тожикистон, Туркманистон ва Ўзбекистондан жами 1 500 нафар иштирокчи 16 спорт турида медаллар учун баҳсларга киришади. Спортчиларнинг ёши 14 дан 23 гача бўлиши қатъий белгилаб қўйилган.

Биринчи МДҲ ўйинларида эркин ва юнон-рум кураши бўйича терма жамоамиз ҳам иштирок этади. Эркин кураш мусобақасида Олимжон Ҳикматов бош мураббийлигидаги тўлиқ таркибдаги полвонларимиз юртимиз шарафини ҳимоя қилади. Курашчиларимиз бугун Қозонга йўл оладилар.  

Шунингдек, МДҲ ўйинларининг эркин кураш баҳсларида икки нафар реферимиз - Бахтиёр Собиров ва Руслан Шерманов ҳакамлик қилади. 

МДҲ ўйинларига йўл олаётган эркин кураш делегацияси:

57 кг: Арслон Раҳимов 

61 кг: Ғуломжон Абдуллаев

65 кг: Нодир Раҳимов 

70 кг: Шоҳруҳ Жўраев

74 кг: Асомиддин Ҳасанов 

79 кг: Азизбек Файзуллаев

86 кг: Соҳибжон Ҳасанбоев

92 кг: Муҳаммадрасул Раҳимов 

97 кг: Раҳимжон Бакиров

125 кг: Намоз Абдурашидов

Мураббийлар - Олимжон Ҳикматов, Дилшод Исмоилов, Азиз Улахунов

Шифокор - Елена Абаева

Ҳакамлар - Бахтиёр Собиров, Руслан Шерманов

Массажчи - Узроб Турсуналиев

Делегация раҳбари - Шуҳрат Мамадалиев