03 сен 11:35
Янгиликлар
Спорт курашлари, Кураш
Бугун эркин курашчиларимиз ЖЧ медаллари учун баҳсларга киришишади
Франциянинг Макон шаҳрида давом этаётган спорт курашлари бўйича ёшлар ўртасидаги жаҳон чемпионати ўзининг қизғин палласига кирди.
Йилнинг ушбу нуфузли мусобақасида Ўзбекистон терма жамоаси ҳам тўлиқ таркибда иштирок этяпти. Бугун жаҳон чемпионатининг бешинчи кунида эркин кураш бўйича баҳслар бошланади. Аниқроғи, 50, 60, 74 ҳамда 96 кг вазн тоифаларида ғолиб ва совриндорлар номи маълум бўлади.
60 кг вазнда Темур Усмонохунов, 74 кгда Соиб Зуҳриддинов ҳамда 96 кг вазн тоифасида Хусан Раҳимовлар гиламга чиқишади. Терма жамоа катта мураббий Олим Ҳикматов.
Эслатиб ўтамиз, бизга ушбу жаҳон чемпионатидаги илк ва ҳозирча ягона бўлиб турган медални истеъдодли спортчимиз ўсмирлар ўртасидаги Нанкин Олимпиадаси ғолиби, Осиё чемпиони Илҳом Баҳромов келтирганди. У финалда россиялик рақибига имкониятни бой бериб, жаҳон вице-чемпионига айланганди.
Ҳавола :
Манба : olamsport.com
Фикрлар